Поради алчноста на Рајола пропаѓа трансферот на Халанд?
Ерлинг Халалд заедно со Килијан Мбапе моменто се најбараните фудбалери на трансфер пазаров, но евентуалниот траснфер на Норвежанецот од Борусија Дортмунд во поголем клуб може да го упропасти агентот на играчот, Мино Рајола со неговите нереални барања.
Имен, во договорот на Халанд со Борусија Дортмунд постои клаузула според која напаѓачот идното лето може да си замине за обесштетување од само 75 милиони евра, но Рајола од идниот клуб бара дополнителни 50 милиони евра провизија.
Освен големата провизија која планира да ја подели со таткото на фудбалерот, Алф-Инге Халанд, Рајола инсистира годишната нето плата на Ерлинг да биде 15 милиони евра.
Доколку се собере целата сума, за трансферот, провизиите и платата, идниот клуб во следните четири години би морал да издвои најмалку 250 милиони евра.
Оваа сума „избрка“ дел од заинтересираните екипи како Челси, Баерн Минхен, Јувентус, додека Реал Мадрид ќе се фокусира на трансферот на Килијан Мбапе, и единствените кои можат да си дозволат да ја платат се ПСЖ и двата тима од Манчестер, Сити и Јунајтед, но прашање е дали ќе сакаат да соработуваат со Рајола доколку не ги намали сопствените барања.