Халанд го потпиша најбогатиот спонзорски договор за еден фудбалер во Премиер лигата
Норвешкиот напаѓач Ерлинг Халанд потпиша нов договор со „Најк“, иако официјално не се открива, медиумите шпекулираат дека од него ќе заработува околу 20 милиони фунти годишно.
Халанд во јануари 2022 година ја прекина соработката со американската компанија и во изминатите 12 месеци носеше опрема на „Адидас“ и „Пума“. Сега по пауза од една година тој одлучи да се врати во „семејството“ на „Најк“.
Деталите не се откриваат, меѓутоа медиумите веќе објавуваат дека Халанд успеал да се договори да добива 20 милиони евра годишно.
A new era of number 9 🧘🏼♂️⚽️ @nikefootball @Nike pic.twitter.com/zFzu7dv4HL
— Erling Haaland (@ErlingHaaland) March 31, 2023
Како за споредба, медиумите го истакнуваат тоа што Џек Грилиш на почетокот на овој месец стана заштитно лице на „Пума“ за 10 милиони фунти по сезона. Во тој момент на Островот се пишуваше дека станува збор за најбогатиот спонзорски договор кој го има еден фудбалер во Преиер лигата, но сега Халанд добил двојно поголема сума.