Гурмански тајни: Испечете совршен колач без грешка
При подготовката на колачи и слатки работите можат да тргнат во погрешна насока поради мали ситници. И покрај сиот труд и желба да направите совршени слатки, некогаш едноставно не успевате.
Дали е проблемот во рецептот или вашето незнаење?
Постојат неколку работи на кои морате да обрнете внимание при приготвувањето десерти..
View this post on Instagram
Нерамномерно испечена кора – причина за тоа може да е премногу високата температура, па тестото внатре да остане недопечено, иако однадвор изгледа совршено. Кога правите десерт држете се до точните упатства за времетраењето и температурата на печење. Ако тоа не е проблем, проверете со термометар како загрева рерната. Ако температурата што ја избравте на термостатот не е иста со онаа внатре, тогаш викнете мајстор за калибрирање кој ќе ви го реши проблемот. Или полесно е да ја зголемите (намалите) температурата за онолку степени колку што отстапува од предложената температура во рецептот.
View this post on Instagram
Грутчиња – причина за ова најчесто е лошото миксирање, без разлика дали мешате рачно или со миксер. Секогаш користете сад како полутопка, за да можете полесно да ги измешате состојките. Ако садот има агли, секогаш има шанса нешто да остане во ќошињата. На крај од матењето, уште еднаш со лажица или шпатула кратко промешајте и проверете дали смесата е воедначена.
Тестото се залепи за плехот – за да го избегнете ова, пазете сите површини од плехот да се добро премачкани со путер или масло, а потоа посипани со брашно. Ако не сакате да мачкате масло и брашно, решение е хартијата за печење. Само внимавајте добро да го наместите и измазните со така. Хартијата полесно ќе се одлепи додека кората е топла.
View this post on Instagram
Глазура – ако ви изгледа лошо или е со грутки, не грижете се. Преку неа ставете уште еден тенок слој да ги покриете нерамнините. По половина час во фрижидер, глазурата ќе изгледа воедначено, само внимавајте вториот слој да е многу тенко нанесен.