Антоан Гризман беше ѕвезда на летниот преоден рок кога за сума од 120 милиони евра од Атлетико Мадрид се пресели во Барселона. Многу се очекуваше од Гризман во дресот на Барселона, требаше да се формира ново пеколно трио во нападот Меси, Суарез, Гризман но Французинот во 15 натпревари во Ла Лига и Лигата на шампионите постигна само четири голови и имаше три асистенции.

– Многу учам, се привикнувам на стилот на игра, иако знаев дека ќе ми биде тешко во Барселона – изјави Гризман.

Како една од главните причини за послабите игри од очекуваното е тоа што Гризман во нападот не игра во средината, туку на крилната позиција, на која никогаш досега не играл.

– Мислам дека играм многу подобро кога сум во средината на нападот. На таа позиција играв неколку години, но сега во Барселона мора да се привикнувам на нова улога – потенцира Французинот.