Грција од средината на јуни ќе дозволи влез на патиници од 20-тина земји, вклучувајќи ги и Германија, Кипар и Израел, а нивните државјани нема да мора да одат во карантин, открија денеска владини извори нагласувајќу дека првите туристи ги очекуваат токму од тие три земји.

Туризмот чини 20 отсто од грчката економија и владата тој сектор го смета за главен двигател на опоравувањето после изолацијата.

„Државјаните од 20 до 25 земји ќе може да дојдат“, откри владин извор и додаде дека на тој попис се земји како Германија, Кипар, Израел, други европски земји и балканските земји.

Премиерот Кирјакос Мицотакис рече дека Германците ќе може да ја посетат Грција од 15. јуни. Истиот датум ќе се обноват меѓународните летови за Солун, две недели порано од планираното.

Државјаните на другите земји од ЕУ- освен Италија, Шпанија и Холандија – моментално може да летаат во Атина, но мораат во 14 дневен карантин.

На државјаните на Велика Британија и трети земји забранет им е влезот во Грција.