Грчките бизниси се крепат со кредити, но условите се построги
Кредитните купувања остануваат доминантен начин на трансакции во Грција меѓу деловните субјекти и изнесуваат 57 отсто од вкупната продажба, но поголемиот дел од нив се чини дека научиле од маките од претходните години и поставиле построги услови.
Заостанатите обврски учествуваат со 35 отсто од вредноста на продажбата направена на кредит, што не е незначително, но е намалено за 22 отсто во однос на лани кога достигна 45 отсто од продажбата на кредит, што е најнизок процент меѓу 14 западноевропски земји. Споредено со минатата година, процентот на конечно отпишани побарувања како ненаплатени се преполови на 2 отсто од вредноста на вкупната продажба направена на кредит во споредба со 4 отсто во 2022 година.
Според Aтрадис Кредитно осигурување барометар за платежни практики, 63 отсто од вкупната вредност на фактурите биле платени навреме во споредба со 51 отсто во 2022 година и 35 отсто биле задоцнети наспроти 45 отсто.
Одлучувачка улога, секако, одигра и заострувањето на условите. Како прво, просечното време за плаќање е 36 дена од издавањето на фактурата, што е намалување за две недели од минатата година.
Сепак, и покрај секое подобрување, Грција забележа најнизок процент од 55 отсто во споредба со 75 отсто во Западна Европа, каде плаќањата се вршат во рок од 30 дена.