Пет жени затворенички во „Идризово”, меѓу кои и Гордана Јанкулоска добија викенд отсуство откако стапи на сила измената на Правилникот за распоредување, класификација и разместување на осудените лица во казнено-поправните установи.

Погодностите се користат по потреба, на барање на затвореничките и досега е одобрено за пет жени, меѓу кои и за Гордана Јанкулоска.

Директорот на затворот „Идризово“ Зоран Јовановски за МИА изјавил дека привилегиите ги користат по потреба.

-Одобрен е викенд за пет жени. Привилегиите ги користат по потреба, на нивно барање – вели Јовановски.

Откако Комисијата за антидискриминација утврди дека затвореничките се дискриминирани со Правилникот во „Идризово“, тој беше променет од Управата за извршување санкции и Министерството за правда.  Со измените на Правилникот за распоредување, класификација и разместување, донесен од страна на Министерството за правда и Управата за извршување на санкции, затвореничките ги добија истите погодности како и машките затвореници.