Ѓорческа во двојки заедно со Русинката Анастасија Комардина во големото финале со 6:7, 6:4, 10:8 беа подобри од вторите носителки, Белорусинките Илона Кремен и Ирина Шиманович.

На патот до финалето најпрвин во првото коло Ѓорческа и Комардина ги елиминираа четвртите носителки Анастасија Прибилова (Русија) и Шалимар Талби (Белорусија) со 6:3 и 6:2.

Во четвртфинале уште поубедливо со 6:0 и 6:4 беа подобри од Полина Лејкина (Русија) и Катсиарина Скачкова (Белорусија).

Во полуфиналната борба со 2:0 по сетови 6:4 и 6:0 славеа против првите носителки Амина Аншба (Русија) и Анастасиа Детуиц (Чешка).

Ѓорческа настапи и на главниот турнир (25.000 долари) во поединечна конкуренција, но таму беше поразена уште во првото коло од молдавската квалификантка Александра Перпер.