Ѓуроски: Мечевите во Талин ќе бидат од големо значење за она што следува понатаму
Стојан Ѓуроски веќе е еден од најискусните во ростерот на македонската сениорска кошаркарска репрезентација.
Ѓуроски е свесен дека пред него и соиграчите се јавува еден нов предизвик кој со себе го носи играњето во претквалификациите за настап на Олимписките Игри во Париз.
– Ни претстојат тешки натпревари бидејќи за противници имаме три исклучително силни репрезентации. Дуелите ќе бидат од големо значење за нас за она што следува натаму – квалификациите за Европското првенство и мислам дека ова ќе биде добра подготовка и треба да се претставиме во најдобро светло – вели крилото на „црвено-жолтите“ по првиот одработен тренинг од подготовките во Скопје.
Ѓуроски верува во тимот кој ќе биде дел од овој репрезентативен циклус, а во кој од 12 до 15 август, во Талин, нè чекаат натпревари со селекциите на Израел, Чешка и домаќинот на собирот – Естонија.
– Верувам дека можеме добро да се подготвиме и да го покажеме целиот наш потенцијал на турниот во Талин – рече Ѓуроски.
Познат распоредот на македонските кошаркари во претквалификациите за ЛОИ 2024