Сер Џим Ретклиф, кој стана најголемиот акционер на Манчестер Јунајтед откако купи 25 отсто од акциите во декември 2023 година, ја сподели трансфер стратегијата на „црвените ѓаволи“ за следните години.

Иднината на Манчестер Јунајтед нема да вклучува трошење големи суми пари на големи ѕвезди.

– Решението не е да се трошат многу пари на неколку големи играчи. Повеќе би сакал да се обидам да го потпишам следниот Килијан Мбапе, наместо да потрошам богатство обидувајќи се да купам успех… Не е толку паметно да се купи Мбапе. Секој може да го види тоа – вели Ретклиф.

Јунајтед последниве 10 години (од заминувањето на Сер Алекс Фергусон во 2003 година) потроши една милијарда евра на „големи“ потписи.

– Многу е потешко да се пронајде следниот Мбапе, Белингам или Рој Кин – истакна Ретклиф.

Според шпанска Марка, сопственикот на Јунајтед со ваква изјава го предупредува првиот човек на Реал Мадрид, Флорентино Перез.

Познато е дека Мбапе следното лето ќе му се придружи на Реал Мадрид. Французинот треба да потпише петгодишен договор со Реал, заработувајќи 15 милиони евра по сезона, плус 150 милиони евра бонус за потпишувањето, а ќе има и процент од правата за употреба на неговиот лик.

Реал Мадрид добива одличен играч, неверојатна е статистиката на Мбапе во ЛШ