Телевизијата Би-Би-Си повикувајќи се на одделението за финансиски криминал на министерството за финансии на САД, ФинЦЕН, известува дека сопственикот на Челси тајно ги поседувал правата на фудбалери кои не се дел од неговиот клуб.

Според документите на ФинЦЕН, Абрамович стои зад оф-шор компанијата „Leiston Holdings“, чие седиште се наоѓа на Девствените острови и која учествувала во купување на фудбалери. Абрамовиќ има слична компанија која е регистрирана на Кипар.

Ова може да доведе со судир на интереси бидејќи компанијата поврзана со Абрамович, делумно поседувала права на фудбалери кои играле против Челси.

Еден од случаите кој се споменува е тој на фудбалерот на Спортинг Лисабон, Андреа Кариљо кој два пати играл против Челси во 2014 година, а неговите права ги поседувала компанијата на Абрамович,„Leiston Holdings“.