Нов голем скандал со лажирање на идентитетот и годините на африканските фудбалери е на повидок откако медиумите во Конго објавија дека играчот на Црвена звезда, Гелор Канга, всушност е пет години постар и воопшто не се вика така.
Конгоанците објавија документ во кои пишува дека Канга не е роден 1990. туку 1985. година и дека воопшто не се вика така туку вистинското име му е Кијаку-Кијаки Кијанга.

Gabon national team risks expulsion from AFCON 2021 for fielding ineligible player.
DR Congo reported Gabon to CAF and has proved beyond reasonable doubt that Gabon midfielder Guelor Kanga,30 is Congolese born named Kiaku-Kiaku Kianga born in 1985 (35yr old) in Kinshasa, Congo. pic.twitter.com/suEWmcHdIT

— African Sports Today (@africasportoday) April 27, 2021

Канга или Кијанга, наводно е роден во Киншаса (Конго), и на својата 17 или 22 година, се преселил во Габон. Тоа се случило во 2007 година, а веќе во 2012 година тој станал репрезентативец на Габон.
Во Конго тврдат дека не се поминати пет години од периодот кога Канга се преселил во Габон и со тоа не го исполнил условот на ФИФА за да може да игра за друга репрезентација.

🇬🇦 Gabon NT risks expulsion from AFCON 2021 for fielding ineligible player.

🇨🇩 DR Congo reported Gabon to CAF and has proved beyond reasonable doubt that Gabon midfielder Guelor Kanga (30) is Congolese born named Kiaku-Kiaku Kianga born in 1985 (35) in Kinshasa, Congo. pic.twitter.com/7NYNoGIC5Z

— Micky Jnr ✪ (@MickyJnr__) April 27, 2021

Доколку се покажат како точни овие трвдења на медиумите во Конго, тогаш Габон ќе добие сериозна казна и ќе остане без настап на Африканскиот Куп на нации.
Фудбалската федерација на Габон ги отфрли овие тврдења како лажни и со една цел, да се дисквалификува Габон за да може Конго да го зазеде нивното место на Африканскиот Куп на нации. Во квалификациите за истото натпреварување, Габон со 3:0 го совлада Конго.