ФОТО+ВИДЕО | Се „изеде“ од нервоза: Принцот Џорџ откри за кого навивал на Вимблдон
Ниту ова финале на Вимблдон, на кое играа Новак Ѓоковиќ и Ник Кирјос, не помина без членовите на британското кралско семејство во кралската ложа. А, овој пат, на Кејт Мидлтон и принцот Вилијам им се придружи и нивниот најстар син, осумгодишниот принц Џорџ, кој времето го кратеше на различни начини и, како и обично, стана вистински вирален хит.
Тоа беше неговиот прв официјален Вимблдон, но и можност во живо да го следи својот омилен тенисер, воедно овогодинешниот победник Новак Ѓоковиќ.
Облечен во елегантен темносин костум со вратоврска, Џорџ седеше помеѓу родителите, а потоа започна неговата урнебесна серија. Правеше смешни фаци, беше на моменти и нервозен, грицкање нокти, смеење, но и пиење пијалак, за на крајот да го стави и прстот во носот.
View this post on Instagram
Секако, сето тоа го снимија фотографите, а настанатите фотографии брзо се проширија низ целиот свет и благодарение на тоа принцот Џорџ повторно стана вирален хит. Овој пат, за разлика од јубилејот на кралицата каде што на неговиот помлад брат, принцот Луис, му беше досадно, нивната сестра, принцезата Шарлот не беше таму за да се погрижи за редот.
Откако Ѓоковиќ победи во финалето, членовите на кралското семејство со него се сретнаа и на приемот организиран по мечот, а во таа прилика српскиот тенисер му го даде на принцот Џорџ својот пехар за да го разгледа, што принцот со воодушевување прифати, но откри и дека пехарот всушност е доста тежок.
View this post on Instagram
Пред финалниот натпревар помеѓу Ѓоковиќ и Кирјос, принцот Џорџ беше прашан кој сака да победи од двајцата тенисери, на што одговори: „Ѓоковиќ“, со што покажа дека омилен му е српскиот тенисер.
View this post on Instagram
Започна четиридневната прослава: Кралицата Елизабета слави 70 години на британскиот трон