Принц Луис, најмалото дете на принцот Вилијам и Кејт Мидлтон, повторно се најде во сите светски медиуми поради неговите палавости во текот на официјален кралски настан.

Петгодишниот принц вчера многу се забавуваше додека остатокот од кралското семејство ја следеше парадата во чест на кралот Чарлс Трети и обезбеди статус на ѕвезда на социјалните мрежи.

На принцот Луис веќе му било здодевно во текот на возењето со кочијата и почнал со палавостите што кулминирало на балконот на палатата.

Гримасите и гестикулациите на малиот принц повторно го освоија светот – танцување, мавтање, војнички поздрави…

На принцот Луис ова не му е првпат. Минатата година тој се налути на својата мајка Кејт која неуспешно се обидуваше да го смири во текот на прославата на јубилејот на кралицата Елизабета Втора. Целиот свет се забавуваше со слаткиот и немирен принц.

ВИДЕО | Принцот Луис ги насмеа сите со својот танц на крунисувањето на неговиот дедо

Започна четиридневната прослава: Кралицата Елизабета слави 70 години на британскиот трон

ФОТО+ВИДЕО | „Главна“: Принцезата Шарлот го опоменa својот помлад брат Луис и стана вирален хит