ФОТО+ВИДЕО: Димитриевски ја има најдобрата одбрана во првото коло од шпанската „Ла Лига“
Рајо Ваљекано стартуваше со победа во новата сезона од „Ла Лига“ откако со 0:2 на гостински терен славеше против Алмерија.
Значаен придонес во освојувањето на првите три бода во првенството имаше и македонскиот репрезентативен голман Столе Димитриевски.
Нашиот чувар на мрежата на дуелот против Алмерија на стадионот Медитеранеос се истакна со убава одбрана која се најде во изборот на „Ла Лига“ и е прогласена за најдобра во првото коло.
Видео записот со најдобрите пет одбрани на првото коло од шпанскиот фудбалски шампионат можете да го погледнете ТУКА
По првото коло по бројот на одбрани во „Ла Лига“, моментно водечки е Унаи Симон од Атлетик Билбао со шест одбрани, една повеќе од второпласираниот Димитриевски кој има пет.
🇲🇰🧤 Stole Dimitrievski in the WhoScored La Liga Team of the Week. https://t.co/fiYxZ9AsjS
— Football Macedonia (@MacedonianFoot_) August 16, 2023
Воедно Димитриевски се наоѓа и во тимот на колото според „WhoScored.com“ со оценка 8.14.
Покрај македонскиот голман, во најдобрите 11 се и Рубен Пења (Осасуна), Жил Кунде (Барселона), Давид Алаба (Реал Мадрид), Алфонсо Еспино (Рајо Ваљекано), Иси Палазон (Рајо Ваљекано), Џуд Белингам (Реал Мадрид), Муктар Диакаби (Валенсија), Алекс Баена (Виљареал), Уго Дуро (Валенсија) и Родриго (Реал Мадрид).
