Се чини дека љубовта на Џенифер Лопез и Бен Афлек цвета. Познатата двојка беа забележани како уживаат во убавото време во Лос Анџелес. Двајцата не ги тргаа рацете еден  од друг и разменуваа страсни бакнежи.

Фотографите ја „уловија“ двојката додека уживаше во неделниот ручек, облечени во лежерни комбинации. Пејачката носеше беж маица, фармерки и елек без ракави, а целиот аутфит го комплетираше со кафеави чизми, сребрени обетки и темно кафеава чанта. Косата ја држеше врзана во опавче. Нејзиниот партнер исто така носеше фармерки и темно палто, криејќи го својот љубовен поглед зад очилата за сонце. Додека чекаше да пристигне нивниот автомобил, Џенифер се потпре на ѕидот и го гушна Бен, а тој се наведна и страсно ја бакна.

Инаку, Џенифер го објави својот деветти студиски албум „This is Me… Now“ на почетокот на овој месец, а една од песните ја опишува нејзината децениска романса со Афлек, „Најголемата љубовна приказна никогаш не кажана“.

Двојката се запозна во 2001 година на снимањето на филмот „Џигли“, а тој ја запроси една година подоцна со розов дијамантски прстен од 6,1 карати. Сепак, венчавката не се одржа, а парот се раздели во 2004 година. Две децении подоцна, тие се обединија и се венчаа во 2022 година.

Џенифер Лопез искрено: Никогаш не планирав повторно да бидам со Бен