Пожарите што веќе неколку дена беснеат во Грција уништија големи површини шуми, личен имот, но за жал, однесоа и 18 животи.

Емотивни фотографии од Грција го обиколуваат светот. Во страшните пожари што ја зафатија земјата, човечката добрина се покажа во најчистата форма.

Едно момче е снимено како спасува животни од пожар додека околу него беснее огнената стихија.

Како што пренесуваат грчките медиуми, фотографиите од спасувањето се направени во подножјето на планината Парнита, во покраината Атика. Непознато момче спасило куче, коњ и магаре.

Неговите фотографии станаа симбол на љубовта кон животните на социјалните мрежи, но и на одлучноста на луѓето да ја зауздаат ​​огнената стихија.

Младиот човек доби многу пофалби на социјалните мрежи, а имаше и такви кои коментираа дека тој е новиот Ное.

Да потсетиме, во пожарот во шумата Дадија во областа Еврос во Грција, кој гори од вчера, според информациите, пронајдени се најмалку 18 јагленисани тела.

ВИДЕО | Ужасни пожари во Грција: Осумнаесет јагленосани тела откриени во регионот на Еврос

Големиот пожар во близина на грчкиот град Александруполи е сѐ уште активен

ВИДЕО| Шумски пожари и евакуации во близина на Атина и во турската покраина Чанаккале