ФОТО | Џеф Безос и неговата свршеница позираа за „Вог“: Би сакал да не ја видев оваа фотографија
Џеф Безос и неговата свршеница Лорен Санчез направија заедничко интервју за престижниот моден магазин „Вог“ за претстојно декемвриско издание, кое беше придружено со гламурозна фотосесија.
Но, кога магазинот сподели една од фотографиите од снимањето на својата страница на Инстаграм во понеделникот, многу луѓе се шегуваа на сметка на тоа во делот за коментари, споредувајќи ја двојката со „споредни актери во теленовела“ и нарекувајќи ги „пародија генерирана од вештачка интелигенција“, пишува „Дејли меил“.
Некои дури и го обвинуваат магазинот дека ги фотошопирал мускулите на основачот на „Амазон“ и дека фотографијата изгледа нереална и непријатна за гледање.
На фотографијата Џеф седи на предното седиште во камион, додека Лорен се наведнува од совозачката страна и ги обвива рацете околу нејзиниот вереник.
Веднаш по објавувањето на фотографијата интернет корисниците почнале да коментираат:
„Никогаш не ми било понепријатно од фотографија“,
„Би сакал да не ја видев оваа слика“,
„Ова е многу ‘чудно’. И дефинитивно не е ‘Вог’ – во секој поглед. И јас сум сега многу љубезен“,
„Искрено мислев дека оваа фотографија е пародија генерирана од вештачката интелигенција. Или иронично фотошопирана. Дали е ова е вистински пост… на Вог?“,
„Никој не ја сака оваа содржина“,
„Зошто изгледаат како да се актери во теленовела?“…