Фон Дер Лајен: Албанија ја исполни својата цел, сега останува на ЕУ да го направи својот дел
Претседателката на Европската комисија, Урсула фон дер Лајен, во Тирана рече дека Албанија постигна напредок во судските реформи и дека сега Брисел треба да го стори својот дел.
„Мојата порака е јасна. Иднината на Албанија е во ЕУ. Европската комисија е цврста во својата посветеност. Со добар напредок во реформите во судството, Албанија јасно ја исполни својата цел, сега останува на ЕУ да го направи својот дел“, објави Фон дер Лајен на Твитер, заедно со фотографијата со албанскиот премиер Еди Рама.
Со посетата на Тирана, Фон дер Лајен ја започна турнејата на Западен Балкан за време на која, како дел од подготовките за Самитот ЕУ-Западен Балкан, организиран од Словенија на 6 октомври, ќе ги посети Северна Македонија, Косово, Црна Гора, Србија и БиХ.
Delighted to start my visit to the Western Balkans in Albania.⁰
My message is clear: Albania’s future is in the EU.The @EU_Commission stands firmly by this commitment.
With good progress on justice reforms, Albania has clearly delivered. Now the EU should do too. pic.twitter.com/VLYjz7s8oU
— Ursula von der Leyen (@vonderleyen) September 28, 2021
По средбата со Рама, таа се сретна и со претседателот на Албанија, Илир Мет, а темата на разговор, како што пренесува АБЦ, е европската перспектива на Албанија.
Извор: ABC