Министерот за здравство, Венко Филипче на својот Фејсбук профил објави дека денеска се сретнал со медицинските сестри кои вчера дадоа отказ и се договориле повторно да разговараат и да најдат начин тие да останат на Инфективна Клиника.

„Утрово се сретнав со колешките Зорица, Силвана и Дивна, медицински сестри од Инфективната Клиника. Тие изминативе седум месеци се на првата линија во борбата со пандемијата. За нивната посветеност и неуморна работа им изразив огромна благодарност. Кога се работи во такви тешки услови со многу стрес и замор, разбирливо е да дојде до потреба за промена за што целосно ги разбирам. Сепак, утрово ги поканив на разговор и разговаравме да останат на Клиниката каде нивната работа неизмерно се вреднува. Се договоривме после заслужениот одмор кој го земаа повторно да разговараме и да најдеме начин да продолжиме заедно во битката со Ковид на Инфективната Клиника. Секој човек во здравството е важен и ќе направам се за да ги мотивирам здравствените работници.“, напиша Филипче.

Среде криза заминува медицински персонал- Главната сестра на Инфективна и две други си дадоа откази