Филипче ќе предложи продолжување на вонредната состојба, ако има потреба ќе следат карантински мерки во одредени општини
Во однос на вонредната состојба ќе предложиме, но таа има и други аспекти, не само здравствената. Карантински мерки апсолутно да ако увидите покажат дека нема почитување на мерките, соопшти министерот за здравство Венко Филипче на денешната пресконференција.
– Верувам дека ќе бара тоа сериозна координација и со други институции, се надевам дека нема да стигнеме до таму да бараме такви мерки. Битно е да се јасно упати сигналот дека мора да се придржуваме до мерките. Мора да сепочитуваат превентивните мерки – додаде Филипче.
Министерот потенцираше дека засега епидемиолошките анкети укажуваат дека луѓето не се придржуваат до мерките.
– Епдемиолошките анкети укажуваат дека луѓето не се придржуваат до мерките, се собираат и не носат маски – истакна Филипче.