Одбојкарската федерација на Македонија ги изрече казните по инцидентните настани пред саботниот натпревар меѓу Наковски волеј и Јанта волеј во полуфиналето од разигрувањето во женскиот одбојкарски шампионат на Македонија.

За грешки од организациска природа и физички напад кон службени лица од неслужбено лице, ОК Наковски волеј ќе плати вкупна казна од 66.000 денари, тренерот Хари Наковски 30.000 денари, а клубот ќе игра на терен оддалечен најмалку 50 километри од првично пријавениот доколку се пласира во финалето од разигрувањето.

Со 15.000 денари е санкционирана одбојкарката на Јанта волеј, Ана Фасулева поради непримерно и неспортско однесување.

Мајсторката од серијата е утре во Кисела вода, а мечот ќе почне од 17.25 часот. Во иста фаза се и ГОК Борец и Шкендија кај мажите. Велешани вчера го искористија домашниот терен и победија со 3:2 за израмнување на 1-1 во низата, што значи дека ќе има мајсторка во Тетово в четврток.

Прва лига (мажи), полуфинале
ГОК Борец – Шкендија (1-1) 3:2 (13:25, 25:22, 25:23, 17:25, 15:12)
Работнички 71&22 – Струмица Никоб (0-2) 1:3 (18:25, 25:23, 14:25, 20:25)

Прва лига (жени), полуфинале
Јанта волеј – Наковски волеј (мајсторка, среда, 17.30 часот)
Фит фан волеј – Работнички Скопје (0-1) (денеска, 17.30 часот)