Ова се случува непосредно пред почетокот на новата сезона во Премиер лигата. Ваквата мерка доаѓа по годишниот извештај на британската единица за антидискриминација „Кик ит аут”, кој покажа зголемување од 43 отсто на навреди на расна основа во англискиот фудбал во текот на изминатата сезона.

Минатата недела, Челзи воведе доживотна забрана на нивен поддржувач поради расистички навреди упатени кон крилниот напаѓач Рахим Стерлинг за време на натпреварот во Премиер лигата против Манчестер сити.

NEWS: FA increases minimum ban for racism to six games (via BBC Sport) https://t.co/mTu85dAorl

— FWP Championship (@FWPChampionship) July 31, 2019

ФИФА ја удвои минималната забрана за расизам на десет натпревари минатиот месец. Казната од шест натпревари на ФА може да се зголеми „во зависност од дополнителни отежнувачки фактори”, како и во дискусиите со различни сопственици за тоа како најдобро да се справи со дискриминацијата во и надвор од теренот.

– Како дел од ова, ФА ја разгледува минималната казна за докажан расизам за време на натпреварите, барајќи позитивно и ефикасно решение за проблемот – се вели во соопштението на ФА.

Воедно ФА откри дека ги овластила главните судии да им покажат на менаџерите и луѓето во тренерскиот штаб жолти и црвени картони, што се соодветно предупредување и бркање.

Секој член на техничкиот персонал кој ќе добие четири жолти картони во текот на сезоната, автоматски ќе добие казна од еден меч, додека за осум, казната ќе биде два меча. Лицето кое ќе добие 16 жолти картони во сезона ќе биде обвинето за неприфатливо однесување и ќе се соочи со Независна регулаторна комисија.