Еурофарм на чекор со СЕХА лига, Брестовац поднесе оставка – Слободен печат
РакометСпорт

Еурофарм на чекор со СЕХА лига, Брестовац поднесе оставка

Еурофарм Работник со 32:25 славеше во Автокоманда против Металург и доколку ја задржи предноста пред Металург ќе игра во СЕХА лигата

Екипата на Еурофарм Работник го направи првиот чекор кон обезбедување пласман во СЕХА лигата, откако во второто коло од ракометната Суперлига со 32:25 како гостин го совлада Металург чиј тренер Данило Брестовац веднаш по натпревар си поднесе оставка.

Бидејќи Вардар е огромен фаворит за освојување на титулата во македонскиот шампионат, а две места водат во СЕХА лигата, токму дуелите помеѓу Металург и Еурофарм треба да го дадат вториот патник во регионалното натпреварување. Затоа победата на битолскиот тим добива на тежина и доколку во вториот дуел на домашен терен остане непоразен тогаш тие ќе му прават друштво на Вардар во СЕХА.

Гостите од Битола беа подобар тим во текот на сите 60 минути, резултатската неизвесност беше присутна до 20 минута (8:8), а потоа Еурофарм со серија од три гола дојде до предност која знаеше како да ја зачува до крајот на натпреварот.

Филип Кузмановски и Милан Ѓукиќ со по седум голови беа најпрецизни кај Еурофарм, а ист број голови постигна и Танковски во дресот на Металург.
Веднаш по натпревар, тренерот на Металург, Данило Брестовац си поднесе неотповиклива оставка

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close