Специјалниот пратеник на САД за Балканот Габриел Екосбар, заедно со претставникот на ЕУ за дијалог Белград-Приштина, Мирослав Лајчак, од 30 јануари до 4 февруари ќе престојуваат во Брисел, Приштина и Белград, соопшти Канцеларијата за Европа и Евроазија на Стејт департментот.

На Твитер профилот на Канцеларијата се нагласува дека целта на посетата е да се охрабрат лидерите на Белград и Приштина да ги нормализираат односите преку дијалог со посредство на ЕУ и да спроведат реформи на европскиот пат.

🇺🇸Special Representative Gabriel Escobar will join 🇪🇺EUSR @MiroslavLajcak in Brussels, Pristina, & Belgrade Jan 30-Feb 4 to encourage 🇽🇰 & 🇷🇸 leaders to normalize relations through the EU-facilitated Dialogue and implement reforms on the path to EU integration.

— DoS Europe and Eurasia (@StateEUR) January 26, 2022

Високиот претставник на ЕУ за надворешна политика и безбедност Жосеп Борел вчера по состаноците на Советот за стабилизација и асоцијација меѓу ЕУ и Србија најави заедничка посета на Ескобар и Лајчак на Белград и Приштина.