Во американската сојузна држава Колорадо гори шуми со површина од 800 квадратни километри. Огнот за првпат бил забележан вчера попладне и набрзо се проширил со силниот ветар, јавуваат американските медиуми.

Ова е еден од најголемите пожари во историјата на државата. Спасувачите и пожарникарите се излезени на терен и досега успеале да локализираат 62 отсто од пожарот. Се користи и авијација која врз жариштата исфрла специјални раствори за гаснење на пожари.

Според „Си-Ен-Ен“, пожарот е опасност за населеното место Џејмстаун, па властите на Колорадо ги повикаа трите илјади жители да се подготват за евакуација.

Синоптичарите прогнозираат засилување на ветрот во вечерните часови, затоа пожарникарите брзаат да изгаснат што е можно поголема површина.