Димитриевски: Бев со амбулантно возило да се тестирам во Биотек и во Жан Митрев

Градоначалникот на Куманово Максим Димитриевски вечерва објави на Фејсбук дека се тестирал на приватно, има негативни резултати за коронавирус и дека поради тоа бара укинување на изолацијата и за него и за неговите контакти, меѓу кои е и половина влада што на состанок на кризниот штаб беше во Куманово ден пред Димитриевски да добие позитивен резултат на ковид.

Го прашавме градоначалникот каде се тестирал и како се одвивал процесот, со оглед на тоа што е во изолација.

-Се тестирав во Биотек и во Жан Митрев со ПЦР метода, и двата теста се негативни. Бев транспортиран со амбулантно возило и правев дополнителни проверки, а тестот за ковид го направив попатно, изјави градоначалникот за „Слободен печат“.