Употребата на таанот во исхраната за прв пат се сретнува во арапската кујна, од 13 век. Од арапските земји, понатаму се проширува во Индија, Кореја и Јапонија, а денес често се користи во медитеранската кујна.

Таанот изобилува со мононезаситени и полинезаситени масни киселини за кои е докажано дека поволно влијаат на здравјето на кардиоваскуларниот систем. Најчесто се употребува во подготовката на вкусна таан алва.

Одличен додаток во многу типови на храна, намази, но и десерти. Овој пат специфичниот вкус на таанот го искомбиниравме со омилениот утрински нашиток – црното кафе.

Состојки:

– 120 милилитри таан
– 20 г. шеќер
– 1 јајце
– 1/4 лажичка сол
– 200 г брашно
– 3/4 лажичка сода бикарбона
– 1/2 лажичка црно кафе
– 75 г рендана чоколада

Подготовка:

Загрејте ја рерна на 170 степени. Во подлабок сад додадете ги таанот, шеќерот, јајцето и солта и соединете ги состојките со помош на миксер.

Потоа, додадете ги брашното, содата бикарбона и турското кафе. Мешајте додека не се соединат состојките (ќе изгледа суво на почетокот). На крај додадете ја ренданата чоколада.

Со лажица ставете од тестото на хартија за печење и со благо притискање оформете мали кругови.

Печете за 10 минути.

Добар апетит!