Денеска, во рамки на одбележувањето на Денот на полицијата – 7 Мај, делегации од Министерството за внатрешни работи положија свежо цвеќе на спомен обележјата на загинатите и починатите припадници на Министерството за внатрешни работи во кругот на МВР: на споменикот пред зградата на граничната полиција, во полицискиот центар “Ѓорче Петров”, во паркот „Жена”, во базата „Брест” и во касарната „Илинден”.

Свежо цвеќе на споменикот во кругот на МВР беше положено од страна на министерот за внатрешни работи Оливер Спасовски, државната секретарка при Министерството за внатрешни работи м-р Магдалена Несторовска, директорот на Бирото за јавна безбедност м-р Сашо Тасевски и заменик директорот на БЈБ Ариф Асани. Цвеќе положија и претставниците на Здружението на бранителите и семејствата на загинатите припадници на МВР, како и претставниците на Македонскиот полициски синдикат.