Деми Мур откри како е Брус Вилис: Актерката призна како ги посоветувала ќерките за тешката деменција на нивниот татко
Актерите Брус Вилис (68) и Деми Мур (61), кои своевремено беа еден од најпознатите парови во Холивуд, се блиски пријатели иако се разведени повеќе од 20 години, објави „Си-ен-ен“.
За време на промотивната турнеја за серијата „Кавга: Капоти наспроти Лебедите“ („Feud: Capote vs. The Swans“), Мур гостуваше во емисијата „Добро утро Америка“ („Good Morning America“) и проговори за моменталната здравствена состојба на Вилис.
„Мислам дека, со оглед на околностите, многу добро му оди“, изјави таа.
Инаку, во 2022 година беше објавено дека Вилис ќе се повлече од својата актерска кариера поради здравствени причини, односно дека му е дијагностицирана афазија. Една година подоцна, неговото семејство соопшти дека неговата болест напредувала и дека Вилис добил поспецифична дијагноза: фронтотемпорална деменција.
Мур и Вилис се разведоа во 2000 година, a имаат три возрасни ќерки – Румер (35), Скаут (32) и Талула (29).
„Она што ќе ви го кажам сега е она што им го кажувам и на моите деца. Важно е да се излезе во пресрет и не се држам до она што не е, туку до она што е. Од тоа излегува голема убавина и сладост, љубов и радост“, изјави таа.
Поранешниот пар продолжи пријателски да ги споделува семејните искуства низ годините.
Вилис е во брак со Ема Хеминг Вилис повеќе од 16 години, со која има две мали ќерки – Мејбел и Евелин.