Чешка ја запиша првата победа на Европското одбојкарско првенство во Скопје
Стартуваше и второто коло од групата „Ц“ на Европското одбојкарско првенство во Скопје, во СЦ „Борис Трајковски“ Чешка триумфираше со резултат 3:1 во сетови против Данска.
Првиот сет го доби Чешка убедливо со 25:15, следуваше израмнување откако Данска го освои вториот сет со 25:23. Потоа, третиот сет кој донесе најголема неизвесност (29:27) им припадна на чешките одбојкари, а триумфот го обезбедија во четвртиот сет (25:22).
Во победничките редови Марек Сотола имаше 24 поени, следен од Јан Галабов со 17, а на спротивната страна Расмус Бреунинг Нилсен запиша 26 поени.
Тоа е прва победа за Чесите на континенталниот собир, откако на стартот загуби од Полска (0:3), а веќе втор пораз за Данците кои во првото коло кои беа совладани од најдобрите македонски одбојкари (1:3).
Од 20.00 часот вечерва е дербито во групата помеѓу селекциите на Холандија и Полска.
Моментно по три бодови имаат Полска (3:0), Холандија (3:0), Македонија (3:1) и Чешка (3:4), на петтата позиција е Црна Гора (0:3), а последна е Данска (2:6).
Се одиграа уште три меча, Турците по вторпат се поразени во групата „Д“ овојпат од Романија со 3:2, потоа во групата „Б“ Словенија го оствари и вториот триумф откако ја совлада Финска (3:0), а вторпат се радуваат и Германците кои со 3:0 ја надиграа Швајцарија.
Евроволеј 2023, Никола Ѓоргиев: Ова е само почеток, горд сум што почнавме триумфално