Актуелниот европски шампион во изминатиот преоден рок се обиде да донесе елитен штопер, но не успеа во намерата и управата се подготвува за идното лето.

Главна цел во летниот преоден рок на Челси му беше купување на елитен дефанзивец кој игра на штоперската позиција,но не успеа во намерите. Прва мета беше капитенот на ПСЖ, Маркињос за кого подготвија 100 милиони евра, но управата на „светците“ одби да преговара со Челси за евентуален трансфер.

Потоа „сините“ се обидоа да се договорат со Севиља за Жил Кунде за кого понудија 50 милиони евра. Оваа понуда беше веднаш беше одбиена од спортскиот директор на Севиља, Мончи кој знаејќи колку Челси понуди за Маркињос, очекуваше поголема сума, односно 80 милиони евра.

Но, челниците на Челси не ја зголемија понудата и одлучија наредното лето да потрошат вистинско богатство на елитен дефанзивец. Изборот падна на Матијс де Лихт од Јувентус кого менаџерот на Челси, Томас Тухел има голем респетк и сака тој да биде новиот столб на одбраната од наредната сезона.
Де Лихт има договор до 2024 година со Јувентус и има  откупна клаузула која воопшто не е мала, 150 милиони евра.  Но, според „Дејли Мејл“, Челси е подготвен да ја плати откупната клаузула.

Весникот наведува дека многу работи ќе зависат и од Антонио Ридигер, односно дали германскиот репрезентативец ќе потпише нов договор или на крајот од сезоната ќе си замине. Според последните информации, Ридигер ја одбил последната понуда на Челси која изнесувала 150.000 фунти неделно и бара плара од 200.000 фунти неделно.