Чедомир Јовановиќ повторно примен во болница
Лидерот на Либерално демократската партија во Србија, Чедомир Јовановиќ е примен денеска во болница, дознава Блиц.рс.
Како што пренесуваат тие, Јовановиќ е хоспитализиран заради воспаление на белите дробови.
Тој во јули минатата година беше во инфективна клиника во Белград заради инфекција со ковид-19 од која успешно закрепна, при што имаше тешко воспаление на белите дробови.
– Исцрпен сум, за време на викендот запревме ширење на воспалението на белите дробови, кислородот ме спаси и уште ми е неопходен за да ги одморам белите дробови кои се борат со вирусот. Полека ја спуштаме температурата и го смируваме крвниот притисок, наведе по приемот во болницата во јули Јовановиќ на Твитер.
Тој по излегувањето од болницата зборувал за својата борба со коронавирусот, наведувајќи дека цело време на ум му било да не ги зарази другите.
– Пријателите и фамилијата ги загрози, за тоа размислував повеќе отколку на било што друго. Ние како општество правевме многу погрешни чекори, обично сме паметни кога ја удираме главата од ѕид. Болеста не бира. Голема е одговорноста кога ќе разберете дека загрозувате некого, рекол тогаш Јовановиќ и додал дека персоналот бил внимателен и одговорен.
Извор: Блиц.рс