Бундеслигата завиена во црно, почина претседателот на Хофенхајм
Долгогодишниот претседател на Хофенхајм и клупска играчка легенда, Петер Хофман, почина во 61. година леукемија. Германските медиуми објавија дека Хофман починал во петокот вечерта.
На легендата да Хофенхајм кон крајот на минатата година му беше откриено дека боледува од леукемија, но здравствената состојба ву се влошила неодамна. Тој минатиот месец бил хоспитализиран во клиника во Хајделберг каде што и починал.
Die TSG Hoffenheim trauert um ihren langjährigen Vorstand Peter Hofmann.
? https://t.co/6qJy4pN4uf pic.twitter.com/FFL3sMxqni
— TSG Hoffenheim (@tsghoffenheim) September 4, 2020
Петер Хофман во последните две ипол децении ја извршуваше претседателската функција во бундеслигашот.
„Со заминувањето на Петер Хофман загубивме човек кој го познаваше и го сакаше Хоенхајм како никој пред него. Неговот дело никогаш нема да биде заборавено. На сите ќе ни недостасува“, порача сопственикот на клубот, Дитмар Хоп.
Хофман е роден во Хофенхајм, а на седум години почна да тренира во пионерските категории на клубот. По завршувањето на играчката кариера, во 1986 година влегува во раководните структури на Хофенхајм, а 10 години подоцна станува претседател, а функцијата ја извршуваше се до смртта.