19 C
Скопје

Брисел затвора кафулиња и барови поради ковид-19

Кафулињата и баровите во целиот регион на Брисел од утре ќе бидат затворени еден месец со цел да се запре зголемениот број заразени со новиот коронавирус, соопштија денеска белгиските власти.

Покрај тоа, забрането е конзумирање алкохол на јавни места во 19 општини во регионот.

Рестораните можат да останат отворени. 

Новите мерки се слични на оние што се применуваат во Париз од вторникот.

Белгиската Влада вчера објави дека од петок сите барови и кафулиња ќе престанат да работат во 23 часот во целата земја, а премиерот Александар де Кро истакна дека ситуацијата во Белгија е „загрижувачка”.

Претседателот на регионот Брисел, Руди Верворт и претседателите на 19 општини во тој регион денеска оценија дека овие ограничувања не се доволни за да се запре ширењето на инфекцијата на таа многу густо населена територија од 1,2 милиони жители.

Затворени се и сали за прослави, се вели во соопштението на регионалната влада.

Во Белгија, речиси 2.500 новоинфицирани лица се евидентираат дневно во последните седум дена, што е раст од 57 отсто во споредба со претходната недела. Меѓу десетте општини во земјата каде ширењето е најинтензивно, четири се во регионот на Брисел. 

Поврзани вести

Заев: Дијалог може да носи резултати, но не очекувам ништо за 27 април

Слободен печат

Новата фабрика на ЛЕАР во ТИРЗ Тетово ќе отвори до 1 500 нови работни места

Слободен печат

Шахпаска: Во новиот закон за работни односи ќе биде вклучена и формализација на неформалната работа

Слободен печат

„Лидл“ ќе вложи 500 000 евра во Македонија

Слободен печат

Бремена жена од Македонски Брод се породила во амбулантно возило

Слободен печат

Лекарите му дале само три дена боледување на ковид пациент зависен од кислород со сатурација 80!

Остави Коментар