БИЗАРНИ ВЕСТИ ОД СОСЕДСТВОТО: Ја прогласиле за МРТВА, па таа ги отворила очите и ги исплашила сите
Една година откако лекар во итната помош во Кикинда прогласи 70-годишна жена за мртва, а таа се разбуди неколку часа подоцна, во истата болница се случил сличен бизарен случај.
Овојпат за мртва била прогласена 89-годишна жена, која ја прегледал доктор од итната помош од истата болница во Кикинда. Нејзиното семејство повикало погребник да ја подготви, а еден од роднините побарал тој да ги извади нејзините златни обетки.
Кога погребникот го направил тоа, жената ги отворила очите и го погледнала, преплашувајќи го и него, но и сите присутни.
Откако е констатирано дека жената е жива, семејството повторно повикало итна помош, по што старицата е сместена во одделот за неврологија.
Претходно, семејството веќе се подготвувало за погреб. Според нејзиното семејство, таа веќе ги има погребано двајцата поранешни сопрузи и четворицата синови кои ги добила од двата брака.
Се очекува официјално соопштение од болницата, откако директорката најавила дека денеска ќе излезе со изјава за тамошните медиуми.