Германскиот шампион моментно го предводи Ханс Флик, кој зареди со добри резултати откако дојде на местото на Нико Ковач. Сепак, се очекува Флик да биде прв тренер на баварците само до јануари.
Баерн Минхен по отказот на Ковач се обиде да донесе звучно тренерско име, се шпекулираше за Масимилијано Алегри, Жозе Мурињо, Арсен Венгер па дури и Пеп Гвардиола, а најсериозен кандидат беше Ерик тен Хаг од Ајакс.

Баварците се надеваа дека имаат адут во податокот дека Тен Хаг веќе работеше во Баерн како помошник на Гвардиола, но не очекуваа тој да да им порача дека е заинтересиран да седне на клупата по завршувањето на сезоната.

Поради тоа, челниците на Баерн одлучија Ханс Флик да остане на клупата до јануари кога ќе биде претставувањето на новиот тренер.

Според „Билд“ кој ретко греши кога станува збор за информации поврзани со Баерн Минхен, нов тренер ќе биде Маурицио Покетино.

Аргентинецот минатата недела доби отказ од Тотенхем и моментно е без ангажман. „Билд“ пишува дека спортскиот директор Хасан Салихамиџиќ
во текот на наредните денови ќе ги има клучните разговори со Покетино кој е заинтересиран да седне на клупата на германскиот гигант и работата е речиси завршена.