Белград предупреди дека потпишувањето на енергетскиот договор Косово-Албанија ќе влијае на регионалната стабилност – Слободен печат
ВестиРегион

Белград предупреди дека потпишувањето на енергетскиот договор Косово-Албанија ќе влијае на регионалната стабилност

Директорот на канцеларијата на српската влада за Косово, Марко Ѓуриќ истакна дека „Србија е сопственик и градител на електро-мрежата на Косово", и дека најавата за создавање „енергетски голема Албанија е шовинистичко лице на приштинската политика".

Официјален Белград денеска соопшти дека меѓународната заедница мора да престане со „создавање енергетски голема Албанија” и оцени дека потпишувањето на договорот Косово-Албанија за заеднички енергетски систем може да влијае на регионалната енергетска и политичката стабилност како и на продолжување на дијалогот Приштина-Белград.

Директорот на канцеларијата на српската влада за Косово, Марко Ѓуриќ истакна дека „Србија е сопственик и градител на електро-мрежата на Косово”, и дека најавата за создавање „енергетски голема Албанија е шовинистичко лице на приштинската политика”.

„Ова е неизводливо на терен и мора да биде запрено од меѓународната заедница пред да може да донесе последици за регионалната енергетска и политичката стабилност и да ги запечати изгледите за дијалог”, нагласува Ѓуриќ во писмената изјава за медиумите.

Косовските и албанските дистрибутери на електрична енергија КОСТТ и ОСТ потпишаа договор вчера во Тирана за воспоставување заеднички енергетски систем со што ќе стави крај на децениската зависност на косовската електро-мрежа од Србија, јавија косовските медиуми.

Договорот беше потпишан со знаење на Европската мрежа на оператори на електропреносни системи (ЕНТСО) и се очекува да стапи во сила во април 2020 година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close