Белгискиот премиер падна од велосипед, кусо време бил без свест
Белгискиот премиер Александер Де Кро паднал од велосипед и накусо ја загубил свеста, а болничките тестови не покажале посериозни повреди, извести во неделата белгиската службена новинска агенција „Белга“.
Инцидентот се случил кога 47-годишниот Де Крон бил на возење со велосипед со синот во саботата доцна попладнето во близина на неговиот дом во регионот Фландрија, наведува агенцијата, повикувајќи се на кабинетот на премиерот.
Де Кро извесно време бил во несвест и бил однесен во болница на прегледи, пишува Belga.
Во видео пораката објавена на социјалните мрежи во неделата, е Кро вели дека се вратил дома.
„За среќа носев кацига, и мојот син повика брза помош. Спортот е добар за вашето здравје. Но понекогаш мора да бидете малку внимателни“, вели Де Кро во пораката заблагодарувајќи им се на медицинскиот персонал и на луѓето кои му посакаа брзо закрепнување.
Не се очекува дека инцидентот ќе влијае врз распоредот на премиерот за следната седмица, соопштиле од неговито кабинет.