Барселона има димајант од половина милијарда евра, одигра два натпревари и ги полуде навивачите (ВИДЕО)
Засилувањето за каталонскиот клуб Франсиско Тринкао ги воодушеви навивачите на Барселона со настапите на подготвителните натпревари.
Младиот 20-годишен фудбалер од Португалија во само два натпревари покажа дека ќе биде одлично засилување за Барселона сезонава, но се поголем број на навивачи одат подалеку во прогнозите.
Тие сметаат дека Тринкао ќе биде главниот играч на клубот во иднина, и посебно по заминувањето на Лионел Меси.
Тринкао настапи на двата досегашни контролни натпревари на Барселона, против Химнастик и Џирона и со прикажаната игра го воодушеви тренерот Роналд Куман како и целата спортска јавност во Шпанија.
T r i n c a o ✨ pic.twitter.com/YTp0evYjGn
— FC Barcelona (@FCBarcelona_es) September 16, 2020
Весникот „Мундо Депортиво“ по првите 45 минути кои Португалецот ги одигра во дресот на Барселона му ја посвети насловната страница на која напиша „Волшебникот Тринкао“.
Тринкао одигра одлично и против Џирона, запиша една асистенција, а имаше и неколку спектакуларни потези и во родната Португалија одамна го споредуваат со Кристијано Роналдо.
Франсиско Тринкао во јануари потпиша договор со Барселона за сума од 31 милиони евра, а сезоната ја доигра во португалска Брага. Колку верува Барселона во младиот Португалец најдобар показател е откупната клаузула која изнесува неверојатни 500 милиони евра.