Арсенков: Ниту имаше пукање во болницата, ниту имаше инцидент. Примени се две лица со повреди од огнено оружје
Ниту имаше пукање во болницата, ниту се случи некаков инцидент, изјави директорот на Универзитетската Клиника за хируршки болести „Свет Наум Охридски“, Љубен Арсенков, пренесува sdk.mk.
Неговата реакција следеше по објавите во некои медиуми дека попладнево пред болницата, меѓу скопјани позната како Градска, се случи инцидент.
Доктор Арсенков истакна дека биле примени две лица со повреди од огнено оружје од кои едното со прострелна рана во пределот на стомакот и веднаш е внесено во операциона сала, а второто со повреди на лицето.
ФОТО | Хаос пред Градска: Ранет во вооружена престрелка, барајќи помош, со голф влета во болницата
Во врска со случајот се огласи и Министерството за внатрешни работи (МВР) од каде информираат дека двете лица се повредени околу пладне пред деловен објект во скопското село Љубош. По документирање на случајот ќе бидат поднесени соодвтени поднесоци, најавија од МВР.