Апасиев најавува закон за ограничување на профитот на приватните болници
Лидерот на Левица Димитар Апасиев се огласи на својот фејсбук профил и порача дека правниот тим на оваа партија работи на подготовка на специјален закон за легално да се ограничат екстрапрофитите на приватните болници во време на пандемија.
-Министерот за задгробен живот – г. Венко Филипче, деновиве изјави дека „немало правен основ за да ги регулираат цените на приватните болници“!?
Но, членот 55 од Уставот на Република Македонија вели дека слободата на капиталистите да ги утврдуваат цените на добрата и услугите, може да биде ограничена од страна на државата во три ургентни случаи: (1) безбедносни; (2) еколошки; и (3) ЗДРАВСТВЕНИ!
Затоа, обзнануваме дека правниот тим на Левица работи на подготовка на ваков специјален закон и веќе следната недела нашите пратеници ќе го предложат во Собранието на РМ (по скратена постапка), за легално да ги ограничиме екстрапрофитите на приватните болници во време на пандемија.”-дополнува Апасиев во својата објава.
Министерот за задгробен живот – г. Венко Филипче, деновиве изјави дека „немало правен основ за да ги регулираат цените…
Posted by Димитар Апасиев on Thursday, April 8, 2021