Државната комисијата за спречување на корупцијата спроведува кампања во основните училишта за борба против корупцијата. Така, во повеќе основни училишта се одржуваат предавања во рамките на промотивната кампања за борба против корупцијата под мотото „Бидете херои на чесноста“. Вакви предавања утре ќе бидат одржани во основните училишта „Браќа Рамиз – Хамид“ и „Војдан Чернодрински“ во Скопје.

 „Преку кампањата ученците и ученичките се едуцираат за поимите интегритет и корупција, сé со цел да ја подигнеме свеста кај нив за штетните ефекти од корупцијата, како и да создадеме антикорупциско движење во земјава кое би придонело за општество со нулта толеранција за корупција“ – велат од Антикорупциската комисија.

Оваа кампања на Државната комисија за спречување на корупција е дел од Активноста за анти-корупција и интегритет која ја спроведува Канцеларијата на Меѓународната фондација за изборни системи ИФЕС, а ја финансира УСАИД.