Од вчера и официјално започна предизборната кампања преку која политичките партии ќе имаат прилика да ја промовираат својата програма пред граѓаните за претстојните предвремени парламентарни избори кои ќе се одржат на 15 јули.

Овие парламентарни избори ќе останат запаметени по тоа што гласачкиот процес ќе се одвива сосема поинаку, со посебно пропишани мерки за заштита од Ковид-19, а токму поради пандемијата со коронавирусот за време на предизборната кампања нема да одржуваат големи митинзи.

Претставниците на партиите, како што најавија, ќе ја презентираат својата политичка понуда преку директни средби со граѓаните, меѓутоа со носење на заштитни маски и максимално почитување на сите мерки за претпазливост од вирусот.

Граѓаните пак, кои ги анкетиравме, се надеваат на промени, односно добар дел од нив изразија надеж дека „конечно ќе видат и слушнат нешто ново“.