Анкета: Граѓаните бараат да се продолжи работното време до 24 часот на угостиелските објекти
Во четвртокот престана да важи одлуката за работа на угостиелските објекти до 18 часот. Оваа одлука беше донесена по препорака на Комисијата за заразни болести, со цел да се спречи групирање во празничкиот период и ширење на вирусот Ковид-19.
Следната недела ќе се разгледа можноста за продолжување на работното време на угостителските објекти по 21 часот, но, како што рече вицепремиерот за економски прашања Фатмир Битиќи, секоја мерка што се носи мора да оди парарелно со примарната цел, а тоа е здравјето на граѓаните.
Граѓаните кои ги анкетираше Слободен печат сметаат дека нема опасност од продолжување на работното време на угостителските објекти.
Независната угостителска комора, пак, чека покана за средба со Владата на која и дава рок до 25 јануари да ги усвои нивните барања за креирање посебни мерки за директна помош и поддршка на угостителската индустрија.
Според претседателот на НУК, Здравко Јосифовски, Владата е во целост одговорна за опстанокот на угостителската индустрија до завршувањето на корона кризата. Угостителите немаат време за чекање и за да ги сочуваат сите работни места на Владата и даваат рок до 25 јануари да донесе итна одлука за продолжување на мерката субвенција на бруто плати од почетокот на месецов со траење додека се во важност ограничувањата со рестриктивните мерки, односно протоколите за работа на угостителски објекти или до завршување на пандемијата, како и да ги реализира нивните останати барања.