10 C
Скопје

Ангеловска-Бежоска: За оваа и наредната година не се очекуваат позначајни инфлациски притисоци

За оваа и за наредната година, па и среден рок не се очекуваат позначајни инфлациски притисоци, оценува гувернерката на Народната банка Анита Ангеловска-Бежоска.

-Во услови на проектиран пад на економската активност во оваа година, не се очекуваат инфлациски притисоци предизвикани од страна на побарувачката. Оттаму, централната банка, со априлските проекции, за оваа година проектираше инфлација од околу 0 проценти, а потоа постепен раст на цените кој што би достигнал до 2 проценти на среден рок. Значи зборуваме за умерена, ниска и стабилна инфлација. Ако ги погледнеме остварувањата за првите осум месеци од оваа година, инфлацијата во просек е 0, проценти, со позитивен придонес кај цените на храната, а при негативен придонес на цените на енергентите, во услови на голем пад на цените на енергентите на светските берзи, особено на цените на нафтата. Оттука, за оваа, па и за наредната година и на среден рок не би требало да има позначајни инфлациски притисоци, вели Ангеловска-Бежоска во интервју за Македонската телевизија.

Во однос на економската активност, гувернерката истакна дека остварувањата на македонската економија во вториот квартал од оваа година се согласно со очекувањата на Народната банка.

-Многу е битно што ќе се случува понатаму. Не само од здравствен аспект, туку битни се и случувањата кај економиите коишто се трговски партнери на нашата економијата, како и ефективноста на макроекономските политики во ублажувањето на негативните ефекти од ковид-кризата, укажува Ангеловска-Бежоска.

Таа се осврна и на пристапот до девизна ликвидност во евра, којшто на Народната банка ѝ е овозможен преку посебен инструмент на Европската централна банка и е исклучително значаен, бидејќи подразбира брз пристап до ликвидност во евра доколку е потребно. Тековно, каматната стапка за користење на средствата овозможени од ЕЦБ е 0 проценти.

-Ова остава простор и за порелаксирана монетарна политика, којашто секако дава значаен придонес во одржување поповолни финансиски услови – монетарна политика којашто помага за кредитна поддршка и за населението, и за компаниите, и овозможува кредитирањето да се остварува под поволни финансиски услови, напомена Ангеловска-Бежоска.

Во услови на солиден раст на депозитите коишто претставуваат главен извор за финансирање на кредитите, како што посочи гувернерката, продолжува трендот и на солиден кредитен раст при поголема фокусираност на банките кон корпоративниот сектор.

-Притоа, нема затегнување на каматните услови, наспроти затегнувањето на странските финансиски пазари – просечната каматна стапка на кредитите, оваа година продолжува да следи умерена надолна траекторија, вели Ангеловска-Бежоска. 

Поврзани вести

Во куќата на ужасот во Ритопек: Во дневната соба пронајдена ДНК од убиениот навивач Здравко Радојевиќ

Горан Наумовски

ВИДЕО| Се урна балкон, 15 лица паднаа на карпи

Слободен печат

Македонски војник со тешка состојба поради ковид-19 се транспортира од Африка

Слободен печат

Царовска демантира: ВМРО-ДПМНЕ преку своите партиски мегафони се обидува пак дрско да манипулира со граѓаните

Слободен печат

Рама: Решен сум да го заменам Илир Мета, тој ја срами земјата

Слободен печат

Израел возврати на рекетирањето од Газа, најмалку 20 загинати

Слободен печат

Остави Коментар