Во Белград денеска е мирно по синоќешните жестоки судири меѓу демонстрантите и полицијата во центарот на Белград во кои 13 полицајци и 7 демонстранти беа повредени.

Повеќе стотици лица вчера попладнето се собраа пред српското собрание, по драматичната прес конференција на претседателот на државата, Александар Вучиќ, кој најави затворање на главниот град на државата од петок до понеделник за да се спречи ширењето на коронавирусот.

Српските медиуми пишуваа дека протестот пред српското собрание започнал да се шири спонтано без формален организатор, но меѓу присутните се забележуваше и присуство на луѓе од политичкиот и јавниот живот. На протестите исто така им се приклучија лидерите од опоозиционите паартии кои ги бојкотираа неодамнешните избори, за кои велат дека биле наместени.

На почетокот демонстрантите беа дел студенти, а дел незадоволни граќани од начинот и односот на актуелната српска власт во справување со коронавирусот и мерките кои се најавуваат за забрана на целосно движење и воведување полициски час. Малку подоцна протестите беа преземени од навивачките групи кои ги радикализираа судирите со полицијата.

По неклку часовните обиди на полицијата да ги спречи, бесните демонстранти успеаа да ја пробијат вратата на закодонавниот дом и влегоа во собранието. Според информациите на српските медиуми, десеттина минути подоцна, припадниците на специјалните полициски сили со солзавец и пендраци ги растерале демонстрантите, исфрлувајќи ги од парламентот.

Протести и нови масовни собирања во Белград и останатите српски градови се закажани и за попладнево.

Проследете го целиот разговор со Дејан Андоновиќ:

Полицијата околу два часот наутро ги растера демонстрантите во Белград, за денес закажан нов протест (ГАЛЕРИЈА+ВИДЕО)