Основачот на „Лидл”, Дитер Шварц е најбогатиот Германец. Ранг-листата на дневниот весник „Билд” покажува дека 80 годишниот основач на познатиот ланец на супермаркети, но и на „Кауфланд”, поседува имот вреден 41,8 милијарди евра.

На второ место е семејството Рајман, кое е сопственик на компаниите „Јакобс” и „Коти” со проценета вредност на имотот на 21,45 милијарди евра, а на трето место е семејството на Волфганг Порше, сопственик на автомобилските гиганти „Порше” и „Фолксваген”, со имот вреден околу 20 милијарди евра.

Вкупниот имот на 1.000 најбогати Германци, според „Билд”, во моментот достигнува вредност од 1,1 трилиона евра, што е за 0,76 проценти повеќе од минатата година. Весникот наведува и дека во Германија има 251 милијардер, што е за осум лица помалку од лани.