Абрамович пред банкрот: Британија му го замрзна имотот, не може да го продаде Челси, милијарди долари висат на конец
Поранешниот сопственик на лондонскиот фудбалски клуб Челси, Роман Абрамович се најде на списокот од седум руски олигарси кои се на листата на санкции на британската влада.
Според владините прописи, сè што е во сопственост на Роман Абрамович на британско тло во моментов е во замрзнат статус, и покрај тоа што на фудбалскиот клуб Челси му е дозволено да продолжи нормално да тргува.
Сепак, санкциите кои се воведени дефинитивно нема да бидат во корист на богатиот Русин, бидејќи дефинитивно нема да смее да го продаде клубот, како што првично најави.
Massive news: Roman Abramovich sanctioned. All UK assets frozen. Chelsea can still operate under a special licence but sale now on hold. Club will not be allowed to sell any more tickets – only season ticket holders can go to games for the foreseeable future.
— Martyn Ziegler (@martynziegler) March 10, 2022
Дополнително, ваквата одлука на Британците му носи штета на самиот клуб. Имено, Челси повеќе нема да може да продава дневни билети за натпреварите на својот клуб, па до понатамошно известување на „Стемфорд Бриџ“ ќе можат да го посетат само носителите на сезонски билети.
Велика Британија денеска соопшти, дека на Абрамович му се „замрзнати средствата, забрана за трансакции со поединци и бизниси во Велика Британија, забрана за патување”. Абрамович и сојузникот на Путин, Игор Сечин, се меѓу седумте олигарси и политичари кои ќе бидат додадени на листата на санкции на Лондон.
Се проценува дека санкциите се во вредност од близу 20 милијарди долари (15 милијарди фунти). На списокот со санкции се додаваат уште седум олигарси и политичари:
Роман Абрамович, сопственик на Челзи и има удел во челичниот гигант Евраз и Норилск Никел
Олег Дерипаска, кој има удели во En+ Group
Игор Сечин, извршен директор на Роснефт
Андреј Костин, претседател на VTB банка
Алексеј Милер, извршен директор на енергетската компанија Гаспром
Николај Токарев, претседател на руската државна компанија за гасоводи Трансњефт
Дмитриј Лебедев, претседател на одборот на директори на Банката Русија.
Сите луѓе на Путин: Кому најмногу му верува рускиот претседател и кого го слуша?
