Паркот на чудовиштата во шумата на гратчето Бомарза е навистина парк полн со чудовишта направени од камен. Тоа е комплекс од огромни камени споменици од 16 век. Во шумската долина под замокот Орсини, „живеат“ гротескни скулптури и мали градби среде природата.

Најстрашна од сите секако е огромната глава со преплашен израз која изгледа како да вреска. Станува збор за богот Оркус, римски бог на подземјето, на чија горна усна пишува „Сиот разум исчезнува“.

Дополнителното интересно кај оваа скулптура е што можете да влезете во Оркус и да седнете на маса.

Овој парк е изграден во 1552 година од страна на принцот Пјер Франческо Орсини, познат како Вичино, и пред сè е одраз на неговото страдање. Не бил осмислен да привлекува туристи со својата убавина, туку да ги шокира. Висино го загубил својот најдобар пријател во војната во која долго време бил заробен.

После тоа му се случила уште една голема трагедија. Набрзо откако се вратил од војната, починала неговата сакана сопруга Џулија Фарнезе. Нејзе и е посветен Храмот на вечноста во паркот.

Салвадор Дали го посетил паркот и бил маѓепсан од него. Тој бил толку инспириран што таму снимил краток филм, а камените чудовишта инспирирале една од неговите познати слики „Искушението на Свети Антониј“ од 1946 година.

 

View this post on Instagram

 

A post shared by Sacro Bosco di Bomarzo (@parco.dei.mostri)